ಶಿರಸಿ: ಇತ್ತೀಚೆಗೆ ನಡೆದ ತಾಲೂಕು ಮಟ್ಟದ ಪ.ಪೂ ಕಾಲೇಜುಗಳ ಕ್ರೀಡಾಕೂಟದಲ್ಲಿ ನಗರದ ಚಂದನ ಪದವಿ ಪೂರ್ವಕಾಲೇಜಿನ ವಿದ್ಯಾರ್ಥಿಗಳು ಭಾಗವಹಿಸಿ ಹಲವು ಬಹುಮಾನಗಳನ್ನು ಪಡೆದು ಜಿಲ್ಲಾಮಟ್ಟದ ಕ್ರೀಡಾಕೂಟಕ್ಕೆ ಆಯ್ಕೆಯಾಗಿದ್ದಾರೆ.
ಬಾಲಕಿಯರ ವಿಭಾಗದಲ್ಲಿ 200 ಮೀ. ಓಟದ ಸ್ಫರ್ಧೆಯಲ್ಲಿ ಸಿಂಚನಾ ಹೆಗಡೆ ದ್ವಿತೀಯ ಸ್ಥಾನ, ಬಾಲಕರ ವಿಬಾಗದಲ್ಲಿ ಹ್ಯಾಮರ್ ಥ್ರೋನಲ್ಲಿ ವರುಣ ಮಡಿವಾಳ ಪ್ರಥಮ ಸ್ಥಾನ, ಷಾಟ್‌‌ಪುಟ್‌ ನಲ್ಲಿ ಅಬ್ದುಲ್‌ ರಿಯಾನ್‌ ಪ್ರಥಮ ಸ್ಥಾನ ಪಡೆದು ಜಿಲ್ಲಾಮಟ್ಟಕ್ಕೆ ಆಯ್ಕೆಯಾಗಿದ್ದಾಳೆ. ಸಹನಾ ಹೆಗಡೆ 100 ಮೀ ಓಟದ ಸ್ಪರ್ಧೆಯಲ್ಲಿ ತೃತೀಯ ಸ್ಥಾನ, ತಸ್ಮೀಯಾ ಜವಳಿ ಷಾಟ್‌ ಪುಟ್‌ನಲ್ಲಿ ತೃತೀಯ ಸ್ಥಾನ ಗಳಿಸಿದ್ದಾರೆ.
ಗುಂಪು ಆಟದಲ್ಲಿ ಬಾಲಕರ ಷಟಲ್‌ ಬ್ಯಾಡ್‌ಮಿಂಟನ್‌ ನಲ್ಲಿ ಅರ್ಜುನ್ ಜಿ.ಎಸ್‌.ಲಕ್ಷ್ಯ ಶೇಟ್‌ , ಕಾರ್ತಿಕ ಹೆಗಡೆ , ಅಭಿಷೇಕ ಇಂಗಳಸೂರ , ಆದಿತ್ಯ ವಾರೆಕರ್‌ ಪ್ರಥಮ ಸ್ಥಾನ, ಚೆಸ್‌‌ನಲ್ಲಿ ಪ್ರೀತಮ್‌ ಹೆಗಡೆ, ಭುವನ ಹೆಗಡೆ ಪ್ರಥಮ ಸ್ಥಾನ, ಬಾಸ್ಕೇಟ್‌ ಬಾಲ್‌ ತಂಡ ಜಿಲ್ಲಾ ಮಟ್ಟಕ್ಕೆ ಆಯ್ಕೆಯಾಗಿದ್ದಾರೆ. ಬಾಲಕಿಯರ ಚೆಸ್‌‌ನಲ್ಲಿ ಶ್ರೇಯಾ ಭಟ್ ಪ್ರಥಮ , ಥ್ರೋ ಬಾಲ್‌ ನಲ್ಲಿ ದ್ವಿತೀಯ ಸ್ಥಾನ ಪಡೆದು ಅದರಲ್ಲಿ 3 ಬಾಲಕಿಯರು ಜಿಲ್ಲಾ ಮಟ್ಟಕ್ಕೆ ಆಯ್ಕೆ, ಷಟಲ್‌ ಬ್ಯಾಡಮಿಂಟನ್‌ ನಲ್ಲಿ ದ್ವಿತೀಯ ಸ್ಥಾನ ಪಡೆದು ಅದರಲ್ಲಿ 2 ಬಾಲಕಿಯರು ಜಿಲ್ಲಾ ಮಟ್ಟಕ್ಕೆ ಆಯ್ಕೆಯಾಗಿರುತ್ತಾರೆ. ವಿದ್ಯಾರ್ಥಿಗಳ ಸಾಧನೆಗೆ ಪ್ರಾಚಾರ್ಯರಾದ ಡಾ.ಆರ್. ಎಮ್‌. ಭಟ್, ಸಂಸ್ಥಾಪಕರು ಹಾಗೂ ಕಾರ್ಯದರ್ಶಿಗಳಾದ ಎಲ್‌.ಎಮ್‌.ಹೆಗಡೆ, ಅಧ್ಯಕ್ಷರಾದ ವಿ.ಜಿ.ಜೋಶಿ, ಸಿ.ಇ.ಓ ಆದ ಸಿ.ಡಿ ನಾಯ್ಕ , ಆಡಳಿತ ಮಂಡಳಿಯ ಸದಸ್ಯರು ಬೋಧಕ ಬೋಧಕೇತರ ಸಿಬ್ಬಂದಿಗಳು ಹರ್ಷ ವ್ಯಕ್ತ ಪಡಿಸಿ ಜಿಲ್ಲಾ ಮಟ್ಟದ ಸ್ಪರ್ಧೆಗೆ ಶುಭ ಕೋರಿದ್ದಾರೆ.
